NVE sin oppsummering av kraftsituasjonen veke 15

Mildt vêr, mykje nedbør og god ressurssituasjon

Det milde vêret held fram i Noreg førre veke og forbruket var framleis lågt i høve til årstida. Forbruket i veke 15 var omtrent det same som i påskeveka.

Meir produksjon av vind- og solkraft på kontinentet bidrog til full import til sørlege Noreg (NO1, NO2 og NO5) i nokre av timar på måndag og tysdag. Dette førte til ein nedgang i produksjonen av regulerbar vasskraft. Kombinert med mildare vêr og mykje nedbør bidrog dette til at fyllingsgraden i sørlege Noreg sank med berre 1,1 prosentpoeng. Fyllingsgraden ligg nær normalen, medan snømagasina framleis er over snittet. Ressurssituasjonen er no vesentleg sterkare enn på same tidspunkt i fjor.

Den gjennomsnittlege kraftprisen i sørlege Noreg var på 102 øre/kWh i veke 15, ein nedgang samanlikna med veka før. Prisen i Midt- og Nord-Noreg var på høvesvis 43 og 33 øre/kWh.

Vêr og hydrologi

I veke 15 var temperaturen 0 – 1 grader under vekegjennomsnittet for dei siste 20 åra i SørNoreg og 2-3 grader over vekegjennomsnittet i Nord-Noreg. For veke 16 er det venta temperaturar omkring 0 – 2 grader over vekegjennomsnittet i hele Noreg.

NVE - Kraftsituasjonen